黎諾懿「煮場」鬥霆鋒 被彈唔靚！
升呢「廚神」的黎諾懿，最近正籌備新煮食節目，他踢爆太太將其作品與另一「廚神」謝霆鋒比較，結果霆鋒完勝！
藝人黎諾懿、張秀文、陳敏之及三位出爐港姐等，前晚錄影無綫節目《big big shop中秋感謝祭》，剛完成劇集《刑偵日記》的諾懿，緊接要為新劇《C9特工》宣傳，稍後又要準備新煮食節目，非常忙碌！他有意邀請王敏奕及姜皓文任嘉賓，在節目大顯身手！
問到現時是否廚藝了得？他自爆經常被太太「投訴」擺盤唔夠靚：「佢攞謝霆鋒啲作品同我比，其實我買咗3本書學擺盤，但真係記唔到入腦。」此外，談到《刑》劇拍檔袁偉豪求婚成功，諾懿說：「祝福佢哋快快結婚，雖然我都係同大家一齊知，但之前都估到，呢個歲數遇到對的人。（叫佢生個女對親家？）可能我都生到女呢！好在生咗個仔先冇壓力。」
張秀文無家可歸
至於早前被拍得睇樓的張秀文，透露疫情下難儲錢：「諗住揀啲400萬以下，唔想靠屋企人。（搬返屋企住？）屋企已經冇我嘅位置，媽咪唔願意接收我，佢話或者我搵個老公一齊買樓會快啲，但呢個人選未出現。」而敏之接受普通話訪問時，重提早前捲入政治風波而遭內地網民狙擊，她自言愛國愛港，對被誤會感心痛，更指藝人受網絡欺凌情況嚴重。