陳惠敏認患肺癌被利用呃錢
現年77歲的武打影星陳惠敏，早前被指患重病並驚爆婚訊，與相伴50載、育有3名子女的吳國英補辦結婚手續，健康情況令人擔心。昨日他接受訪問，首度開腔承認患肺癌，慶幸發現得早，及時治理：「我個肺確實有啲事，係肺癌初期，依家已經冇事，戰勝咗，多謝關心！」
將到警署錄口供
陳惠敏努力對抗病魔期間，竟有一位相識的人借他患病一事，向其身邊朋友借錢，此事令他非常氣結，他說：「呢個人係老千嚟，周圍借我個名問我啲朋友借錢，有啲已經去咗報警，我之後都會去警署錄口供。（知唔知佢呃咗你啲朋友幾多錢？）佢幾萬、幾萬咁呃，實際幾多我唔清楚，但我必須澄清，我同佢完全冇關係！我喺呢行幾十年，一向都係樂於助人、鋤強扶弱，唔想因為一啲鼠輩，毀咗自己咁多年建立嘅聲譽，我患病、醫病亦唔需要任何幫助。（有朋友戥你不值，搵緊佢還你一個公道？）我知有啲朋友去咗報警，我亦有搵過呢個人，但佢冇聽電話，潛咗水。」