施匡翹香水誘惑林德信

曾患新冠肺炎、現已康復的歌手施匡翹，昨日「復出」為新歌《差不多小姐》拍MV，邀得林德信擔任男主角，她指新歌是真人真事：「讀書時參加興趣班，遇到個大哥哥好鍾意佢，但最終冇示愛，有啲遺憾。（點解搵林德信幫手？）其實我唔識佢，可能大家都鍾意瑜伽，所以第一時間諗起佢，向公司要求同爭取。」為配合MV劇情，她還特意學習調配香水。至於林德信被問到求學時期可有收過情信？他說：「大學開始玩瑜伽Fit咗，都有收情信同埋寫情信畀人。」