郭富城撐自家作喊足4次
由郭富城及楊千嬅主演的電影《麥路人》昨晚舉行首映禮，此片原定去年聖誕推出，但受疫情影響，延至現時才上映，郭富城希望作品為觀眾帶來正能量：「疫情關係，大家要慢慢走出負面情緒，防疫意識都要做足，保持衞生。睇戲就最啱，呢套戲充滿正能量！（太太嚟睇？）佢喺英國睇咗首映，喊到不得了，我睇都喊咗4次，千嬅話入場要帶紙巾，我話要帶手巾先掂！（片中同萬梓良合作？）我哋有30年冇合作，佢有病，但為咗同我拍，話停藥都拍，好敬業！佢人在廣州，希望佢快啲好番，健健康康再合作。」
有份參演的鮑起靜，早前到韓國演出湯唯丈夫金泰勇執導電影《Ｗonderland》，大感興奮，她說：「喺片中我有講普通話、韓文、英文。（拍韓片好待遇？）好好，仲有餐車，淨係泡菜都有10種、8種你揀，片中又有男神孔劉、朴寶劍演出。（有對手戲？）有呀，對住佢哋簡直暈咗！我都有集郵！」