朱敏瀚重「烚」食欲感動到喊
藝人朱敏瀚在無綫重頭劇《反黑路人甲》攞脫過往「御用細佬」形象，Man爆扮演冷血殺手，耳目一新。他事前亦下了一番苦工，為劇集苦練了兩個月泰拳，為了要騷鋼條肌肉而戒口減磅，由160磅減到150磅，他說：「拍攝嗰個幾月淨係食雞胸肉同番薯，調味料都唔可以落，拍完要除衫嘅戲即刻去打邊爐，食嘢嗰一刻真係感動到喊。」
講到與張振朗劇中有不少打鬥場面，他指最深印象是幾乎打到對方的眼睛，相當驚險，二人亦因合作而成為好友，朱敏瀚笑說：「戲裏面唔係我打振朗，就係振朗打我，為求逼真，拍嗰陣我哋都叫對方唔好留手，講笑話下場就到番自己報仇，哈哈。」