《愛‧回家》現「五一」手勢 無綫誓揪真兇

無綫處境劇《愛‧回家之開心速遞》於前晚的一集，劇情講述「根叔」劉丹不滿被「雷公」白彪加租十倍，扮成「租霸」將辦公室搞到立立亂，最後「熊家」全體成員包括呂慧儀、單立文、周嘉洛、蘇韻姿等，穿上全副保護衣、戴上黃色手套收拾爛攤子，造型似足治療新冠肺炎患者的醫護。有網友更發現掛於電腦屏幕上的手套，竟屈摺成示威者經常做出的「五大訴求、缺一不可」手勢，這個畫面播足14秒，有網民即揚言罷睇以示不滿。

編劇立場曾受質疑

其實網上一直有網民討論，質疑編劇政治立場。此劇去年6月曾上演驅散示威者的場面，11月又講到「金城安」周嘉洛飽受欺凌，壓力爆煲留下「遺書」。

而今次事件到底是有人有心策劃還是純屬巧合，無綫揚言會徹查到底，並表示：「已經睇過昨晚播出片段，該場面確實已播咗出街，究竟係有心做出呢件事定係巧合，在公司來說巧合嘅機會比較細，相信係有心人刻意做出破壞情況，公司會嚴肅了解事件，搵出呢啲故意製造破壞嘅人。無綫絕對不能接受、亦不能容忍類似事件發生，由於事件牽涉太多人，要搵出涉事者唔容易，但都係必須去做嘅事。」昨日傍晚時分，該集於myTV SUPER播放的版本已作更換，黃色手套正面掛於屏幕上的畫面已用其他鏡頭及改用遠鏡代替。

劉丹：一大訴求徹查清楚

當時於拍攝現場的劉丹及呂慧儀，坦言拍攝時根本沒有察覺，劉丹謂：「完全唔知，都係睇報道先見到。（公司話要徹查？）咁徹查都應該，我哋都係得一大訴求，就係要徹查清楚，呢個劇目的係要帶畀大家歡樂，依家又有疫情，只係想大家開心啲，點會搞啲咁嘅嘢！」而呂慧儀亦謂：「我都贊成公司徹查清楚。（怕唔怕成為嫌疑者？）唔怕，公司會處理，贊成嚴正處理。」