MV冧妻Lo嫂做「愛的替身」
康子妮曾透露視黃翊為偶像，2018年1月開始分享雙方合照，當時她留言表示知道對方同年10月會舉行個唱：「重要事要講三次！我好開心我好開心我好開心！#最愛是你」，同年9月擔任黃翊《愛到底》MV女主角，當時更被指與陳存正撞樣。
《愛》由黃翊親自作曲，憑歌寄意，表達對病妻陳存正不離不棄，歌詞感人：「誰願放手 走過患難富貴同甘苦病危 愛到底 一起走到了天梯」。MV中，黃翊與康子妮拍婚照，更跪地為她穿高踭鞋。當時康子妮曾上載坐輪椅的花絮照，留言表示要為陳存正打氣，又打趣表示：「自己推自己架輪椅好攰o架！」黃翊立刻回覆：「你要食多啲飯先至夠力o架」，她再秒回：「我驚我食咗啲飯去晒個肚腩！」同年10月黃翊舉行個唱，擔任和音的康子妮分享後台合照，兩人身貼身影相，表現興奮。
