洪卓立課金$25點唱 吳浩康嫌少
歌手吳浩康（Deep）前晚跟組合農夫一齊開Live，因為最近他們合作翻唱Beyond經典歌曲《農民》，Deep連唱五首歌開場，農夫一出場即發揮Talk得的爛Gag本色，笑言早就到場，只是怕阻住粉絲欣賞Deep唱歌，C君笑言農夫唱歌是懲罰觀眾，又對Deep說：「本來做Live好開心，但聽完你唱好唔開心，你仲話要唱我哋嘅歌，叫我哋以後點再唱，我重新搵唔到自己。」
農夫又大讚Deep的粉絲好豪爽，不停課金，C君抵死笑說：「我都想課金8蚊畀你，但我唔捨得，你哋支持農夫，唔使課畀阿Deep，直接過錢畀我哋得了。」當中竟然有洪卓立份，他課金25元，Deep大聲說：「嘩！洪卓立喎！佢話要聽《寵物小精靈》。兄弟，你打機都唔止課（金）咁少啦！」令人爆笑。
