森美做錯事遭老婆全天候監控

森美自爆電話及座駕都有定位追蹤。

森美、黃翠如與江嘉敏等昨日於將軍澳電視城宣傳熱播劇《過街英雄》，提到前電台DJ好友細So（蘇耀宗）被爆背妻偷食，森美坦言覺得對方做錯，但有傳短訊為細So打氣，希望對方與家人早日走出谷底。

「只有桃花劫」

問到可有試過被狂蜂浪蝶埋身？森美笑言：「蘇民峰話過我冇桃花命，只係有桃花劫，有桃花都會畀太太發現，所以死咗條心，唔好博。（太太check你電話？）十幾年前，太太試過攞住疊電話紀錄，質問我凌晨兩、三點同邊個發短訊，之後自己都修心養性。原本要機主先check到電話紀錄，太太話我電話費貴，轉咗用佢名登記，所以話做男人要搵個精明嘅老婆，咁就冇得做錯事，哈哈！」又自爆被太太全天候「監控」行蹤，電話及座駕都有定位追蹤：「早幾日去撐艇，太太問我點解出咗海？有定位係好事，老婆個心都定啲。」

翠如坦言未演過律師，很大壓力。

江嘉敏好想被觀眾鬧，代表演出成功。

黃翠如暴瘦10磅

同場的黃翠如透露近日忙拍新劇《七公主》，昨日磅重時發現暴瘦10磅，問到是否壓力大？她說：「係，為咗強悍律師角色減磅，角色對白好多，又未演過，好大壓力，所以一路咁瘦落去。（老公蕭正楠心痛？）有呀，佢呢排唔係幾開心，話我太瘦，有時夜晚12點幾都煮嘢畀我食。（你有咗？）未，想食多啲嘢快啲肥番，依家啱啱100磅。」提到被署名「曹永廉」的網友指她是「自己友」，捲入政治風波遭網民圍攻，她即封口拒回應。至於飾演「拜金女」的江嘉敏笑言出街冇被觀眾鬧：「如果有嘅話要多謝監製，同埋自己，代表角色成功，但係暫時未有人鬧。」