阿Sa獲男友帶挈嗒晒糖！
蔡卓妍（阿Sa）在英皇電影《聖荷西謀殺案》中，為走出失敗戀情而飛往外地，寄居朋友家中。她早前受訪時大談拍攝感受，透露今次角色相對輕鬆：「個角色係有秘密啫！但喺3個主要角色中係最簡單、輕鬆嘅一個，即使陷入混亂感情，佢嘅反應都好直接，要走就走，我演嗰陣只要直接演繹，唔需要太多內心戲，有少少緩和套戲氣氛嘅感覺。」電影遠赴加拿大取景，重返成長地的她直言親切：「當地工會規定演員一星期只開5日工，好舒服，如果香港都可以咁就好喇！」
最近因疫情而多留家中的她，原來也非常忙碌，因要照顧年邁狗狗：「有隻白內障，隻眼睇唔到嘢，另一隻就白內障加糖尿病，日日都要打針，好慘！」而一直對貓毛敏感的她，最近受男友石恆聰影響，瘋狂愛上貓咪，談起貓咪也分外甜：「原來貓真係好正，平時畀你食慣屎，突然餵你一啖糖，會覺得係恩賜！」