《第77屆威尼斯電影節》前日舉行，英國女星Vanessa Kirby出席主演的主競賽單元電影《Pieces of a Woman》首映禮，以一套紅色連身長裙示人，盡騷白滑玉背！她在片中飾演一名小產孕婦，受訪時透露為準備角色，曾於倫敦醫院向接生員與兒科醫生取經：「我本來冇可能演到，因為從來未生過BB，好好彩有位好好嘅女士容許我現場睇佢生BB。我哋本來唔識，但佢都肯畀我見證佢個仔出世。我諗過生仔戲份愈真愈好，入面有一個連續26分鐘鏡頭影住我生BB，所以我最好要識得子宮收縮同其他過程。」
另外，美國女星奧瑪花曼（Uma Thurman）與男星前夫伊凡鶴基（Ethan Hawke）所生的22歲女兒Maya Hawke，則出席其主演地平線單元電影《Mainstream》首映禮，穿上一件低胸吊帶裙，裙尾鑲上多塊珠片，獲讚風采不輸母親！