可宜搞婚禮壓力大脫髮
中英混血兒可宜近期為籌備結婚，自爆引致壓力太大，搞到甩頭髮，故在朋友介紹下，為防脫髮產品拍攝宣傳照，實行邊收錢邊拯救自己，她說：「近排因為籌備結婚，再加上工作關係，明顯甩多咗頭髮，所以喺朋友介紹下，咁啱客戶有個女性系列，所以搵我拍宣傳照兼試吓產品。（又有錢收，又可以免費用產品喎！）酬勞都係友情價咋，諗住長遠發展去合作嘅。」
能夠在「疫」市有工開，可宜坦言非常感恩，雖然幕前工作受到一定影響，但幸好仍有其他工作支撐：「其實收入都有少少影響，因為活動停咗半年，有啲工作之前原本已經OK咗，但之後又因為禁聚令問題，所以要取消。不過仲有電視台同電台、同埋網上KOL工作做，所以都冇問題嘅。」