何艷娟貼地打書釘變「讀」女

何艷娟於書店揀英文小說。

現年28歲的前港姐季軍何艷娟於無綫處境劇《愛．回家之開心速遞》扮演龍家千金「龍作蜜」，加上與富商吳志誠閃婚又離婚，高貴形象深入民心。日前她以貼地Look獨自現身銅鑼灣，戴口罩的她穿T恤襯牛仔褲，沒有挽名貴手袋，只孭小布袋，似足優雅文青。

專睇外國小說

何艷娟於該處商場閒逛，但Shopping目標不是名牌商店，而是充滿文化氣息的大型書店。於港大法律系畢業的她是讀書人，「漫遊」書店打書釘，也是合情合理，戴口罩的她不擔心被人認出，輕鬆自在。見她對外國劇集的原著小說特別感興趣，不時拿起細閱，未知是否為拍劇做準備。她在書店逗留個多小時，買了數本書籍離開。之後她肚仔餓，到上層的美食廣場醫肚，隨後便離開商場。

打咗個幾鐘書釘，何艷娟終於揀啱心頭好，畀錢走人。

何艷娟（左）於商場的美食廣場醫肚。

盡量少出街

事後她接受電話訪問，問到是否為拍劇買「參考書」做功課？她說：「唔係，因為疫情除咗開工，都係匿喺屋企睇書、煲劇，好耐冇出街，趁呢排疫情紓緩，走去買書睇。暫時都係拍《愛》劇，其他劇就要等公司安排。」