蘇麗珊「殮房」拍戲 忍尿6粒鐘
藝人蘇麗珊於電影《冥通銀行特約：翻生爭霸戰》中飾演通靈少女，戲中的她因年幼時一次意外累死父親，至長大後不停用巫術欲尋找亡父。蘇麗珊坦言怕黑又驚鬼，出埠定必黐住人同房，說到拍攝此劇最難忘的是於元朗某片場搭建殮房拍攝，她驚慌得全程忍尿，一Cut機便黐實導演Mon旁。
她說：「呢啲戲份一定夜晚拍，又唔會開晒燈，一Cut機就走去Mon壇，因為最光嘛！其餘時間行路都用電筒照，我全程唔敢去廁所，拍咗5、6個鐘，大家都好安靜唔敢出聲。（之前美國讀演戲大派用場？）就係拍完呢套戲先覺得要去深造吓，不過好在呢套戲有喜劇成分。」