李佳芯屈就做阿四慘被嫌棄
李佳芯（Ali）為新劇開工，拍攝被麥美恩吩附送外賣的戲份，一身污漬的Ali更被嫌棄。劇中飾演機械人的Ali坦言還未習慣，反應方面有待改善。
藝人李佳芯與麥美恩（Mayanne）於無綫新劇《智能AI（愛）人》中的絕密造型曝光，劇情講述Mayanne已是電視台「姐仔」，但想討好阿姐、導演所以「萬歲」，更吩附Ali送西餅外賣到場，但見她一身污漬而嫌棄她叫她走，有點無情。
二人早在第一代《學是學非》時已合作，相隔七年再遇，昨日埋位開工已見默契，首次演機械人的Ali，因沒有身邊人可作樣版揣摩，故感到有點難度，她笑言開工第四天，反應仍有待改善，但就覺得角色很新鮮，過足戲癮。
MK味Bob頭Carry到
Ali坦言此角最重要是掌握節奏：「今日我個造型幾貼地，唔係想像中機械人樣，呢個Bob頭有啲MK，但我都覺得自己Carry到！Mayanne做開司儀記性好好，對鏡頭好有自信，Pick Up得好快！」
鮮有拍劇的Mayanne原來已拍了三部劇，之前有《使徒行者3》及《陀槍師姐2020》，只是新劇未出街才不為人知，她說：「做司儀之外可以演戲係我一個小小心願，因為我同同事傾偈時，佢哋分享拍戲話題，我冇共鳴，所以我都好想試吓演戲。（兩者不同？）司儀只要精神足記性好就得，但演戲要用情緒，好多時我唔夠技巧會用晒真力，好似拍喊戲，我用咗真感情，平衡方面有啲難度，依家學緊。（角色搞笑被指是吳君如接班人？）又唔敢當！好多人同我講，係近10年少見嘅搞笑女演員，我都好開心，但我堅持係要演一個靚女版諧星！」