謝嘉怡奪冠「吹喇叭」大開食戒
出爐港姐冠軍謝嘉怡前晚賽後返酒店與家人慶祝，興奮地「吹喇叭」飲香檳，節食多時終於可以食排骨飯，難怪她說：「真係好好味。」
《2020香港小姐競選》賽果塵埃落定，冠軍兼「最上鏡小姐」謝嘉怡賽後受訪時表示夢想成真贏得冠軍：「真係冇諗過！所以唔知要繞場一周，行完就想衝落台。」講到爸爸在她未識行時已希望女兒選港姐，謝嘉怡說：「真(口架)！17歲嗰陣爸爸已經叫我返嚟選，但當時唔想。依家好開心有呢個名銜，唔返蘇格蘭喇！媽咪都會搬嚟香港。」又搞笑地指現時最想食燒賣、魚蛋、叉燒飯及排骨飯。
完成訪問後，謝嘉怡凌晨返到將軍澳一間酒店，爸爸及姑姐等家人已經準備迎接她慶祝，她更即場「吹喇叭」飲香檳，還如願以償有得食排骨飯，她開心笑說：「真係好好味。」最令人感意外的是同屆落選港姐源菲然亦在場，原來她是謝嘉怡的表妹！謝嘉怡的年輕爸爸承認一直想女兒選港姐，希望她學習香港的文化。
陳楨怡恨做打女
昨日，謝嘉怡夥亞軍陳楨怡、季軍郭柏妍與「友誼小姐」鄺美璇在將軍澳電視城會晤傳媒。謝嘉怡透露已致電向身在蘇格蘭的媽媽報喜，亦有向提名人肥媽致謝。講到門牙被網友觀察到呈灰黑色，她說：「細個喺公園跌親，未整得切啲牙。」陳楨怡則透露得獎後回家獲媽咪及男友送花祝賀，而郭柏妍透露家人送蛋糕慶祝，更有女鄰居送花。兩人異口同聲指希望在娛樂圈發展，陳楨怡最希望拍《飛虎》等動作片，亦恨拍《愛．回家》與周嘉洛合作，郭柏妍則希望拍劇與做主持雙向發展，亦會繼續半工讀完成碩士課程。
另外，五強止步的廖慧儀不覺得紋身對賽果有影響，自言落敗因不夠謝嘉怡靚。決賽當晚收視平均錄得27.6點，接近190萬人收看，創出七年最佳成績。