布睎尤以為被遺棄 嗌唔出阿媽
中葡混血女模布睎尤自小隨父親從澳門來港生活，在單親家庭長大的她坦言感覺被媽媽遺棄，對其印象十分模糊。今年其母突然來港尋親，相隔廿多年第一次見面，她形容好像電影劇情，但沒有嗌媽媽的激動場面！
擁32D驕人上圍的布睎尤（Raico Bule）的父親是中國人，母親則是中葡混血兒，故Raico外表非常「鬼妹仔」。17歲拍廣告入行的她曾是女子組合Jelly Girls成員，曾參演多部電影和劇集，但因其身高1米74，故角色受到局限。今年Raico上演了一場「感人戲」，失散27年的媽媽突然與她相認！
現年30歲的Raico坦言一直不知道媽媽找了她多年：「3歲之後就冇見過媽咪，依家聯絡番。細個誤會媽咪唔要自己，原來中間好多誤會，所以細個唔覺得親情重要。（媽媽主動搵你？）係。（相認時似電影劇情？）初初見面，我唔想嗌佢『阿媽』，覺得佢丟低我廿幾年！但有一日，帶我修佛嘅老師同我講：『唔理媽咪點對你，佢帶你嚟呢個世界就係對你最大嘅付出。』所以我慢慢學習放下，最近見面已經有叫佢媽咪。」
珍惜相處機會
她坦言與母親相處時沒有親人感覺：「或者係我一直唔知有媽咪係咩感覺。」她知道母親有婦女病，會珍惜相處時間，亦願意供養她。問到是否不再嬲母親？她說：「冇嬲，大人有自己難處，我哋小朋友，唔明白當時情況，聽媽咪講當時係爸爸瞞住佢，有一日突然帶走我哋4兄妹嚟香港，之後我哋搬咗好多次屋，所以搵唔到我哋。最近因為爸爸被揭咁多年都冇同媽咪辦離婚，差啲犯上重婚，所以媽咪先有我哋個聯絡方式。」
她續指母親在澳門已另組家庭，父親亦再娶。自懂性以來她已自力更生，以前覺得錢很重要，現在信佛後心態改變，會將親情放第一位。