陳曉華「凸」圍而出：加咗好多嘢！

賽前紅地氈上，歷屆「師姐」包括陳曉華、蔡思貝及麥明詩等齊齊鬥性感，但馮盈盈明顯「讓賽」，僅以型格晚裝登場，反而陳曉華以性感宮廷服「凸」圍而出，更有「離罩」感覺，驟眼看似「成條裙着歪咗」，她發現時即返化妝間「補救」，受訪時笑言近日食得多長肉，問到有否「升Cup」時，她說：「全身都有（升級）！（條裙唔啱身？）可能同當初試衫時身形有出入。（好少咁性感喎！）起初都唔覺，所以今日加咗好多嘢，例如飾物，希望分散大家注意力。」上屆冠軍黃嘉雯以Deep V晚裝現身，提到今屆后冠在疫情下不獲贊助，她順勢笑指自己的「絕版后冠」價值不菲，至於可有替接任佳麗「唔抵」，她說：「又唔會！后冠係象徵，唔在於價錢。」