迪士尼童星出身的22歲美國性感女星Bella Thorne，上星期宣布加入訂閱網賣性感相，憑其號召力，日前她宣布一星期已勁賺200萬美元（約1,550萬港元），認真有「錢」途！
早前Bella加入美國一個流行訂閱網，Fans只需付20美元（約155港元）月費或102美元（約795港元）半年費用，就可以看到其獨家性感照片或影片。消息公布後，一眾Fans即到網站登記，導致網絡一度癱瘓！除了「賣相賣片」外，她亦出售紀念品，包括狗仔床、吊床及聖誕老人吹氣公仔。有指Bella冇「揸流攤」，會親自回覆Fans的私訊，希望了解他們的需求。
她希望透過今次經驗，探討網絡工作者帶來的文化衝擊：「我哋仲研究緊，因為依家仲做緊。呢種網站點樣加入？點樣退出？對用家又有咩影響？你現實生活同呢個訂閱網世界嘅人生又會點連接？你人生會變得好定壞？你又會去得幾盡？你可以好似我咁，亦可以係一個嚟自蒙大拿州嘅才女，呢個網可以改變你嘅人生，如果你想嘅話。」目前她與執導《歡迎光臨夢幻樂園》（The Florida Project）的導演Sean Baker合作，希望將今次的經歷拍成電影。
除了Bella外，美國饒舌天后Cardi B亦有跟該訂閱網合作，不過她早前已表明不會上載性感相及片：「我唔會騷我個胸、下體或屁股，只係純真實生活內容。」眼見訂閱網「錢」途無限，英國巨胸模特兒佐敦（Katie Price）被傳加入「賣相」行列，更誇下海口目標要賺100萬英鎊（約1,019萬港元）！