黎諾懿變髮化身教父
拍畢新劇《刑偵日記》的藝人黎諾懿日前拍攝宣傳照，並配合角色染白了少許頭髮，打造猶如「教父」的造型。提到劇中與好戲之人惠英紅及姜皓文等合作，他自爆因「失憶」而弄出笑話：「第一日同紅姐開工，我同佢講第一次合作好開心，點知紅姐話十幾年前拍《鐵血保鏢》已經合作過，大家飾演姊弟。因為劇情關係，當年我哋好少對手戲，可能因為咁樣我唔記得，估唔到反而紅姐記得！」
黎諾懿指惠英紅的角色較深沉及歇斯底里，所以要盡量做到零NG：「佢要集中情緒，所以拍戲期間我哋好少講笑，唔想影響到佢。拍嗰時好似舞台劇咁一Take過，否則要再花時間醞釀情緒。」並透露劇集曾受疫情影響拍攝進度，幸而仍能順利拍畢。
另外，出名廿四孝爸爸的他日前頭笠紙袋，抱起囝囝玩「人肉過山車」，他上載短片並留言：「同小朋友玩，少啲精力都唔得，化身成為《紙袋英雄》。」
