馮盈盈讚唔停 鄭衍峰差啲升呢男友

「話題女神」馮盈盈前晚於「繽FUN Live」現身，吸引到男神周柏豪、導演葉念琛的點擊，連遠在法國的Fans都有留言問好，風頭果然勁！盈盈今次在家中做直播，不少Fans留言表示想看她的家居，不過她以「屋企好亂」為由婉拒，只簡單介紹新居：「我屋企係一個小蝸居，有個開房式廚房，會煮嘢食，除咗有電磁爐，仲有Gas爐，因為電磁爐火力爭啲，仲有一個微波烤爐，可以當焗爐用。（廚藝如何？）梗係頂呱呱，係疫境女廚神，成日下廚。（煮過啲乜嘢？）包羅萬有，中西日泰菜都有。」之後網民再次起哄要看閨房時，她借內衣褲推搪，表示：「遲啲拍一個home tour畀大家睇，等我執好先，坦白講，我自己住，啲內衣 褲掟到周圍都係，呢個我自由嚟o架嘛！」

靚仔？當然揀王浩信

另外，大家當然關心她與緋聞男友「峰峰」鄭衍峰的關係，問盈盈覺得劇集《反黑路人甲》拍檔王浩信還是峰峰靚仔時，她玩嘢地說：「唔通係謝霆鋒？唉！我不嬲唔會扮晒嘢，我當然會答浩信啦！以劇情嚟講，Madam Koo（馮的角色）會情傾張細倫（王的角色），而我不嬲欣賞峰峰內在美，佢性格、頭腦都好好，我鍾意峰峰做工作夥伴，真係最佳拍檔。（峰峰差啲乜先做到男朋友？）只差緣分，呢啲嘢好睇緣分，感情嘅嘢唔係人為設計就可如願，靠個天決定！睇緣分啦！」