吳香倫患致命皮肌炎 陳榮峻險再失愛妻
成功譜出「黃昏戀」的無綫藝人陳榮峻與吳香倫恩愛無比，近年還以夫妻檔演出《愛．回家之開心速遞》，可惜好事多磨！兩年前新婚不久，吳香倫患上肺炎，半邊肺受感染，蜜月之旅幾乎不能成行，經過一年多的檢驗及醫治，更先後入院割手指及大腿肌肉組織化驗，最後才確診皮肌炎！這個罕見兼病徵不明顯的惡疾，3年前奪去藝人魯芬的性命。曾經歷喪妻之痛的陳榮峻當時面對新婚太太患病，心情跌至谷底，自言命運似坐過山車，擔心再失去至愛：「點解又係我！」
肺部三分一纖維化
夫婦日前受訪坦言經歷病痛後更珍惜彼此，陳榮峻揚言會照顧太太一世，令吳香倫感動落淚，他說：「醫生成日都急Call返去Check嘢，都好驚！太太驗出肌肉酵素比平常人高出幾倍，所以佢啲關節好痛，手指又腫，初頭以為類風濕關節炎，我以為佢成日打機累事，再見佢隻手甩皮就以為係主婦手，咪幫佢做晒啲家務！最後驗血報告話啲病菌攻擊佢嘅皮膚、心臟、腦、肺，成個人都好攰，好彩醫生話發現得早，呢隻唔係最惡嘅菌，我哋先放心！（肺部情況？）有三分一纖維化，要靠做帶氧運動恢復，所以我哋成日行山。」
問到香倫如何報答老公照顧？她哭着說：「煮餸我唔識，但我想學煮畀佢食！」陳榮峻聞言即說：「其實你唔使學，我應承照顧你一世！我哋呢個年紀，最想係日日一齊買餸煮飯，我已經好滿足！」