陳欣妍加操蜜桃臀
藝人陳欣妍（Shirley）早前穿上火辣三點式現身沙灘拍攝硬照廣告，大騷Fit爆身形及苦練得來的蜜桃臀！
Shirley透露平時每日都會健身至少1小時，但當得悉需要性感拍廣告，即於開工前3星期開始「加緊訓練」，日日加操兩小時鍛煉臀部，她說：「廣告拍攝需要趴低同影背脊，雖然節食都會成身瘦，但線條冇咁靚，所以我選擇不停食肉同健身，練到蜜桃臀之餘，成個身形都會好睇啲。」拍攝當日晨早到場開工，Shirley更半夜起床作最後操練，務求以最佳狀態示人。雖然做好了防曬，但當日結果都暴曬了5、6小時，令她變成「黑珍珠」。
