陳婉衡揀戰車300萬辣跑掛P牌？

陳婉衡試坐價值300萬的超級辣跑。

陳婉衡（Alycia）上月疫情大爆發前，趕上尾班車報考私家車牌。本身在外國有多年駕車經驗的她，憑純熟技巧輕易過關，一Take過考牌成功。日前她出動睇車，穿白色貼身衫配牛仔短裙凸顯魔鬼身材，吸引途人眼望望，不過見慣大場面的她卻懶理，一支箭步入售賣名車的店舖。該品牌名車以百萬起跳，Alycia被其中一架價值300萬的超級辣跑吸引，她圍着辣跑兜了幾個圈，並拿手機拍照，職員見狀即上前推介，還叫她上車試手感。之後Alycia離開該店，轉戰另一間車行，但似乎不合心水，不消幾分鐘便離開。

與男友商量

期間她路經幾間車行亦有駐足觀看，拿起手機拍下不同款式的私家車，然後到附近咖啡店，邊歎凍飲邊撳電話，明顯向男友報告睇車情況。事後記者致電Alycia，她承認四圍搵心水車：「係去過幾間車行，架跑車勁靚，但又比較貴，超出我嘅Budget，應該買可以應付到嘅。我都係集中揀電車，環保啲。我啱啱先考完牌，所以再睇定啲先決定。」

陳婉衡於車行兜圈揀心頭好。

一坐低，陳婉衡即撳電話向男友報告睇車情況。