葉蒨文兩公婆嗌交冇隔夜仇

歌手葉蒨文（Sally）前晚與創作人陳恩碩在8號風球下齊齊開Live，Sally更自備紅酒到對方家，兩人邊飲酒邊談天。去年兩人合作林子祥（阿Lam）演唱會，陳恩碩笑言發現Sally與阿Lam的想法幾不同，有次開大會更差點吵架，Sally坦言與阿Lam曾為演唱會意見不合：「我同佢有衝突時，我有咩感受一定要話畀佢聽，佢鬧我或點癲我都會接受，後尾有啲佢肯聽我講，但有啲就唔肯，如果佢好堅持嗰啲一定要畀佢。」她又謂平時兩人工作沒甚拗撬，會互相妥協：「好難同佢拗，佢都唔出聲，佢一係發脾氣，一係嬲，其實佢冇乜脾氣，好多嘢大家相處佢都同意，如果佢唔同意就會堅持自己，所以冇得拗。（你哋冇隔夜仇？）因為嗌交係希望件事好，唔係為自己，唔係針對人就唔會有心病。」