布志綸疑指有人抄歌 關吳業坤事？
樂隊Mr.主音布志綸（Alan）昨日在社交平台發文，表示「聽到某歌手的新歌，個音樂底我可以原隻全首《森林》唱入去。」疑指有歌手的新歌與他十年前的作品《森林》相似。其後，他再發文表示：「其實也不是太大問題，正如家駒亦曾說過音樂從來沒有100%原創，都是聽過其他作品因而被啟發去創作，我亦慶幸《森林》這首歌也曾經啟發過不少樂迷。」不少網友猜測與歌手吳業坤的新歌《原始心態》有關。
本報聯絡上Alan，問到有網友猜測與吳業坤新歌有關？他回覆：「Hey，首先我冇講邊首，亦冇講人哋係抄呀，我只說聽住個音樂底，我可以唱番《森林》首歌出嚟而已。我唔知首歌係邊個(o架)啦，我只係揸緊車喺電台度聽到。」而吳業坤則回應：「佢個post其實冇講邊個，所以係咪我呢？我想講我做每一首歌，幕後班底好用心去做，我都好用心去唱好每粒字，所以對所有我做出嚟嘅歌，係好有信心同喜歡。」