連詩雅鼻竇炎隨時要開刀

陳家樂受腎石困擾，緋聞女友連詩雅昨日接受訪問時大方直認知情：「都約略知道嘅，但就冇仔細了解佢嘅病情囉！希望佢身體盡快好番啦。」繼而自爆最近飽受鼻竇炎之苦，由於病情持續，曾轉睇過幾位醫生，暫時以藥物控制病情，但若再惡化的話可能要動手術，令她相當擔心：「要錄音嘛！就係因為鼻竇炎而停晒，我好驚會影響到啲工作。」