黎耀祥玩煮飯仔氹老婆
視帝黎耀祥演戲好眾所周知，其實他的廚藝一樣相當了得，每當大時大節，他與太太Julia都相當好客，會請朋友回家食飯，別以為全靠工人包辦，每次祥仔都會親自煮番幾味，因為他自小經常入廚房看媽媽下廚，所以都有所得着，拿手小菜有生炒排骨，可謂色香味俱全。
祥仔不只識煮中菜，就連炮製西餐都有一手，尤其現時新冠肺炎疫情關係，很多時兩公婆鍾意留在家煮飯仔，日前祥仔親自下廚，炮製西班牙紅蝦海鮮意粉給太太品嘗，見他先將紅蝦用蒜頭煎煮，然後再落少許白酒調味，上碟時亦相當細心，單單看到畫面就流晒口水！