獲郭柏妍力撐 侯嘉欣呼籲公平投票

應屆港姐候選佳麗侯嘉欣、麥詩晴、郭柏妍、張盈悅及源菲然昨日現身髮型屋Set頭，侯嘉欣對於被指有人開群組出動紅包「利誘」幫她拉票，她說：「呼籲大家要以公平方法投票，唔好用呢種極端方法。（係咪媽咪朋友所為？）我有好多契爺、契媽，爸爸做工程好Proud Of我參選，周圍同人講，好多Uncle、Auntie都知我參選！（用紅包涉金錢利益？）唔係呢啲！Auntie佢哋係Share快樂啫！（擔心形象受影響？）咁當然唔好，但作為例子畀粉絲知道唔好咁熱情。（開Group利誘唔啱？）大家用唔同方法去做唔代表錯晒，初衷可能係好！」