偷食男友瞓過？林雅詩換床褥振作

林雅詩坐在床褥上，測試軟硬度。

早前馬天樂被爆背Grace偷食，搭上女助手兼育有一子，慘被蒙在鼓裏的Grace傷心欲絕，更自封「蠢女人」，揚言不再相信愛情。沉澱多時的她終於走出陰霾，決心與男方劃清界線。

返舖頭幫手

日前消瘦不少的她現身銅鑼灣某大型傢俬店，甫入內即到床上用品區，見她主力挑選床褥，親身坐下測試軟硬度及研究尺寸，似乎為換床褥做好準備，下定決心洗走與馬天樂的回憶！之後她到某大廈玩塔羅牌，一臉愁爆的Grace向塔羅師大吐苦水，希望獲對方指點迷津。Grace專心聽對方講解，期間顯得心事重重，似乎仍有心結未解。約半小時「開解」，Grace得到心靈安慰後匆匆離開，返回其經營的時裝店，親力親為執貨及接待客人，寄情工作。翻查資料，原來該塔羅師叫Jessica，藝人郭子豪及林秀怡亦是其「星級客人」。

「有工開好感恩」

Grace昨日受訪，大方承認換床褥：「發生咗咁大件事（指男友出軌），我晚晚都瞓得唔好，咪想換床褥囉！（見你玩塔羅牌，問愛情？）乜都有問，依家最緊要係事業，幕前工作停晒，依家睇住間時裝店，日日有工開已經好感恩。」

一臉愁容的林雅詩，搵塔羅師指點迷津。

林雅詩返時裝店整理貨品。