歌手唐韋琪的16歲徒弟張若希，昨日為新歌《17歲的畸歌》拍攝MV：「首歌加入咗好多奇怪、反叛、不滿嘅想法，但現實中我好乖。（你校裙唔過膝。）現實中係一條過嘅，好似修女咁長！」又自爆中一開始只換過一次新裙，因為變瘦，但沒有長高。問到現實中有何不滿？她笑指會諗「點解成日要上堂同補課」？並笑說：「但都鍾意讀書嘅，成績普通，有被老師推薦拎咗個進步獎，好感恩！」她興奮表示老師及同學很支持她玩音樂，問到豈不是做了學校的風頭躉？她即自言在學校好低調。
