44歲歌手小肥（徐智勇）早前接受訪問時首度公開「出櫃」，透露28歲時才確定「某啲嘢」，坦言當時好驚承認後會如何，至2017年曾很想坦白，但仍覺得很難衝破，當主持直接問他是否承認自己的性取向，他點頭說：「係呀！」並慌張地表示未準備好面對，更忍不住流淚。他也在社交網發文表示仍「驚魂未定」：「嚇親大家，唔好意思。仲好緊張，但我自豪。」不少粉絲及藝人陳慧敏、方力申等留言力撐。對於公開性取向，他昨日回覆本報時說：「要講都講晒！我暫時唔想用呢個題目博宣傳放大自己，多謝！」
小肥對於自己的性取向，有跟Paco交代過。他表示拍過兩次拖：「同過兩個圈外人拍拖，第一個3年，第二個一齊10年，2018年散咗，好Hurt，佢嗰時成日要返大陸，每個禮拜五就期待佢返嚟，仲作咗首《你明日回來》，但作完就分咗手。」作為公眾人物，他坦言識新男友有困難：「冇乜特別途徑，會去基吧，好多自己友對我好好。」又表示憧憬與愛人組織家庭。