賴琦媛「胸戰」侯嘉欣講嘢有骨
「煙剷港姐」賴琦媛昨日穿Deep V裙谷胸拍攝宣傳片，同樣性感的侯嘉欣笑言若能「僭建」會更添自信，賴琦媛即發揮寸嘴本色說：「唔一定大就好。」說話刻薄的她不乏話題，難怪想自薦加入節目做主持！
《2020香港小姐競選》15位候選佳麗昨日穿上晚裝在將軍澳電視城拍攝宣傳片。賴琦媛穿Deep V裝谷咪，與侯嘉欣鬥性感。問到有機會騷身材，可覺得有着數？賴琦媛說：「唔會，條裙係大會安排，好高貴，亦唔准墊嘢僭建。」侯嘉欣笑說：「如果有得僭建可能會自信啲，但係要睇件衫可以塞到幾多。」賴琦媛即說：「唔一定大就好！身材每個人都有，只係特點唔同，今次係第一次着Deep V。」而負面新聞纏身的她前晚在節目《#後生仔傾吓偈》得到最多淘汰票，主持孔德賢笑她說話夠Mean及寸嘴，很適合加入節目，她即向監製自薦，為落選鋪後路！
廖慧儀密冚咪咪
至於「狂野空姐」廖慧儀的晚裝相當保守，完全遮掩了其豐滿身材，問到可覺得被埋沒優勢？她笑說：「唔會，我成個樣都係優勢，會凸顯到。（保留實力着泳衣？）我唔夠瘦，要瘦啲着泳衣先靚，依家減緊。」而大熱佳麗郭柏妍表示要增磅及做運動練肌肉，務求穿泳裝時效果更靚：「唔係因為參賽有壓力而變瘦，反而會視為推動力。」
陳楨怡壓力大爆瘡
額頭爆瘡的陳楨怡坦言壓力大，自爆為了錄影節目《港姐有問題》而溫書至凌晨四時。問到如何急救肌膚？她說：「早啲瞓，屋企人有煲湯水畀我下火。化妝好專業，幫咗唔少，之前仲嚴重！」而何孟珊自言最大問題是黑眼圈，坦言最近過於緊張，影響睡眠質素。提到下周一再有淘汰，她說：「我都驚驚哋！」陳楨怡亦擔心被淘汰，會時刻保持最佳狀態。