Eric Kwok笑陳奕迅口疏
歌手郭偉亮（Eric Kwok）為繽FUN星網節目「Sakura Group特約」《#娛樂Hashtag》擔任嘉賓，與主持俞詠文分享2011年在紅館舞台上向太太葉佩雯（Grace）求婚兼結婚一事。他坦言最神奇是當年1月已買定戒指，本計劃到日本睇櫻花時求婚，怎料發生311大地震，櫻花之旅擱置，他將戒指藏在櫃桶，有日突然被Grace摷出來踢爆！
直到同年底，他與拍檔Jerald舉行Swing演唱會，Jerald提議他在台上求婚，他於騷前3星期才決定，笑說：「話晒畀所有朋友知，除咗陳奕迅，因為佢鍾意同人傾偈，收唔到把口，連自己啲秘密都會講！我去到開騷嗰日先話佢知，都有少少過意唔去，最後我想再勁啲，咪搵律師上台結埋婚！」他笑指太太在婚後成個星期重溫片段，才接受到成件事。