尖沙咀遇山下智久 鞏姿希𢱑影相食檸檬
日本男星堺雅人主演的日劇《半澤直樹2》刷新收視紀錄，不少藝人的煲劇回憶返晒嚟！鞏姿希透露最迷山下智久，尤其是劇集《野豬大改造》，更與偶像有一面之緣，她說：「有次喺尖沙咀撞到佢同妹妹嚟旅行，我問佢係咪山下智久，佢話係，再問佢可唔可以影相，佢話嚟旅行所以唔可以，當時佢戴住黑超，真人同上鏡一樣咁靚仔！」
至於張寶兒則欣賞木村拓哉主演的《摘星廚神》：「佢演繹得好自然，會用小動作表達好味道。」而蔣家旻亦對木村情有獨鍾：「我鍾意《戀愛世紀》，愛情單純、內斂又現實，好吸引人追落去。」而余香凝近期亦有重溫《悠長假期》，當年則最冧瀧澤秀明的《魔女的條件》：「佢當年仲係小鮮肉，首主題曲連我唔識日文都識得唱！」