黃淑蔓枕頭纏頸痛足1日
「寰亞孻女」黃淑蔓（Feanna）推出新歌《猜猜我是誰》，她於MV中盡顯其古靈精怪本色，嘗試黑寡婦與阿拉丁女郎等造型，又拉小提琴、彈電結他、打棒球，表現多才多藝一面。她笑言很喜歡「枕頭纏頸」的造型：「好啱煲劇用，不過枕頭嘅固定支架有重量，拍完我痛咗一日。」
Feanna表示年初赴英升學後，只能趁暑假宣傳新歌，因9月要返英繼續學業：「返嚟之後我隔離咗14日，不過香港人比較乖，大家都有戴口罩，而且我發覺強制戴口罩後，街上多咗靚仔靚女，因為大家都遮住半塊面，會幻想佢個樣係點嘅。（咁你戴口罩會唔會只化半個面妝？）唔得囉，咁食嘢同飲嘢點算？」