白雲早前為無綫劇集《迷網》客串兩集，飾腳底按摩師，與老戲骨姜大偉演對手戲，穿上背心戲服的她，其35E上圍非常吸睛，難怪未埋位時，白雲抱住現場一隻有份出鏡的貓貓玩耍，貓貓也一直依偎在伊人懷中，非常享受。白雲還大讚沒想到貓貓超有戲：「場戲講隻貓跳落嚟見到姜大偉，對望咗一下，好有戲，當我抱起佢就伸出隻手仔，好得意。本身冇養貓，但都幾鍾意，目前屋企有兩隻狗，大唐狗10歲，平時佢對住外面啲狗好惡，不過好怕人，以前畀人遺棄喺街頭，真係幾慘。」