黃文意越洋訂造蛋糕幫男友慶生
「10億千金」黃文意與來自歐洲塞爾維亞的足球球員Ivan Maric拍拖半年，感情穩定，惟早前男方因疫情關係停賽，故返家鄉探親，令一對戀人被迫分開。
日前26歲生日的Ivan，未能與女友慶祝，但黃文意化身廿四孝女友，越洋為男友送上神秘驚喜，她說：「男朋友本身唔打算慶祝生日，但我就覺得點都要有個蛋糕，所以做咗啲資料搜集，睇吓佢家鄉邊度有得訂做蛋糕，最後我設計好個蛋糕，直接叫當地一間私人訂造蛋糕店，喺佢生日嗰日送咗去佢屋企，所以個蛋糕係獨一無二o架！（佢收到係咪好開心？）係呀，佢都估唔到，好鍾意。」
她透露該蛋糕大受歡迎，男友的家姐及弟弟亦非常喜歡，更拍照給她並表示多謝，似乎黃文意已經成功「入屋」！