新冠肺炎疫情嚴峻，有外傭染疫恐爆「外傭群組」。疫情下，不少家傭放假期間都盡量減少外出，非常配合，不過孫慧雪自爆請過不少「非一般外傭」，遇過有公主病的「印尼公主」，又請過在家中飲酒、借錢、用BB沖涼盆洗鞋，最後更設計要挾她的惡外傭！
好「姐姐」難求！孫慧雪坦言遇過不少問題外傭，她與老公暱稱其中一位印傭是「印尼公主」：「佢每次去超市，都要我買嘢畀佢，洗頭水、沐浴露要買成百蚊嘅貴嘢。佢唔飲水，一定要飲奶。試過發現佢私自買嘢，我同佢講以後要問過我先，講完佢嬲嬲地閂埋房門，後來佢敲我門，唔係道歉，係問我可唔可以買朱古力畀佢。」之後「印尼公主」跟她續約，但不夠一個月突然要求離開，後來收到短訊，原來對方有心玩弄她，令她十分傷心。
她又指另外兩位「姐姐」，一個突然急住離開，第二日她便收到追債信；另一位則在家飲酒、借錢，更用BB的沖涼盆洗鞋！被解僱後，對方要求雪雪替她執行李放在管理處，然後竟恐嚇要告雪雪丟她的行李，令雪雪又嬲又無奈！
而名模蔣怡表示現時家中的兩名外傭很好，放假不願出街。不過她自爆曾請過一位女傭，竟連開關電視也不懂，她初時以為對方年紀大，後來才知對方扮蠢唔做家務，非常不開心。
不過凡事有例外，歌手黎瑞恩（小恩子）與外傭關係猶如家人。小恩子表示家中三位外傭已工作多年：「佢哋唔鍾意放假，覺得同鄉坐地下好污糟。每次我返屋企，佢哋仲驚過我，我企門口畀佢哋消毒。外面啲人好鍾意撬我工人，有次對方用每年1萬蚊花紅挖角，好彩佢唔肯走，我好感動。」