鄭世豪寫情歌氹「老婆」
「細龍生」鄭世豪在處境劇《愛．回家之開心速遞》中，與「細龍太」陳偉琪飾演一對，日日被鬧廢柴、垃圾都不減愛意。不過，劇情講到「細龍太」要離開，世豪即返回現實兼轉換歌手身份，為「老婆」填詞新歌《只准你話我是傻》。
他自爆曾激嬲陳偉琪︰「對上一首《等得太久》出咗之後分享畀佢聽，點知佢冇覆我，到開劇先知因為我冇搵佢做MV女主角而嬲咗，所以當我知細龍太即將要離開一段時間，就有靈感為佢寫首歌，仲一定要搵佢做女主角！導演喺結尾加咗條伏線，希望延伸去劇集度，成就大團圓結局。」講到拍攝趣事，他笑言談情部分毫無難道，但有幕在沙灘玩水卻喪NG，搞到陳偉琪濕哂！
