陳彥行當苑瓊丹係阿媽

藝人陳彥行近日為苑瓊丹主持的香港開電視節目《開工大吉77》任嘉賓，指當年二人因拍處境劇成為好友，苑瓊丹對她所有事也瞭如指掌，絕對稱得上是第二個阿媽，苑瓊丹亦不時為她留意「筍盤」，有次見獸醫靚仔，即上前詢問對方感情狀況，陳彥行笑說：「睇怕第日我有幸嫁得出，都要跪地斟茶畀佢。」她自言性格樂天，於圈中人緣不錯，當中梁思浩便是其一：「佢平時搵拍檔都係牙尖嘴利，偏偏就搵我一齊做節目，仲成日話我係友誼小姐，佢就係一個箭靶，可能我冇佢咁厲害，佢惹得起，但我就惹唔起啦！」