羅嘉良奸足6日唔夠喉

藝人黃宗澤（Bosco）、吳卓羲（Ron）及關智斌演出在ViuTV播出的網劇《戰毒》，邀得三屆「視帝」羅嘉良客串演大毒梟，嘉良笑說：「拍咗6日過程好開心，有啲唔夠喉，最重要係演反派可以過戲癮，不過本身都鍾意做亦正亦邪角色！」劇中與Bosco有不少對手戲的他，直言雖是首次合作，但認為與年輕演員相處零隔膜：「以前同Ron合作過《流金歲月》，一齊去過泰國取景玩得好開心，今次Bosco就約定我遲啲去佢香港開嘅餐廳食飯。」而劇中演社團老大的彭皓峰，角色霸氣非常，但面對飾演母親的羅蘭也盡現親情，角色層次感高，被網民讚演技不俗。