好在唔係真！高海寧睇住「老公」偷食眼濕濕
藝人高海寧、楊明及陳曉華等昨日在將軍澳電視城宣傳新劇《迷網》，各演員都佩戴口罩。除了《迷》劇，高海寧同期還有熱爆話題劇《殺手》出街，而另一參演劇集《反黑路人甲》亦將接力推出，她透露近期花了2萬元買了十多套衫作宣傳，相當肉赤，並笑說：「仲未賺番，大家快啲搵我做嘢啦！」
問到可會擔心觀眾看厭？她笑說：「唔擔心，因為三個角色嘅性格、形象都好唔同，我有年幾冇劇出喇！大家見多我少少啦，阿媽都話依家食飯一開電視就見到我。」她又表示自己在家追劇時，看到劇中老公黃祥興偷食一幕也難過得眼濕濕，問到現實中可有試過？她說：「呢啲對女人好大打擊，喺劇感受就夠，現實生活中相信個天會錫我多啲。」身旁的楊明即搭嘴：「呢啲情況對男人嘅打擊都好大，我估計啫！未試過。」
陳曉華改善「黐脷筋」
首次拍劇的陳曉華，表示有捧自己場追看，對於網民有讚有彈，她也樂於接受意見並改善，她說：「會特別注意網民負評，好似話我講嘢黐脷筋，有時真係聽唔到自己講乜，近期拍《七公主》同埋《異搜店》，會特別注意咬字要清晰，咁樣可以改善演出。」