鄧達智出院歎榴槤

時裝設計師鄧達智上月24日確診新冠肺炎，在家等足4日才獲安排入院，昨日他接到好消息：「醫生通知我，驗血報告出現咗抗體，即表示身體冇病毒，可以畀我返屋企。我當然開心，由確診到自我隔離，入咗醫院一星期，同身邊嘅人超過10日冇接觸。」他感激親戚朋友的慰問及打氣：「除咗打針食藥後，會發冷發熱比較辛苦，其餘時間醫生護士照顧得好周到，係一個好難得嘅經驗。」返家後，他立即與同性伴侶陳梓欣歎榴槤慶祝。