「亞視霆鋒」伍偉樂揸巴士乘客打氣 馬國明讚好男人
37歲「亞視謝霆鋒」伍偉樂，在亞視工作十多年做到2016年「熄機」，手持這筆猶如「安家費」的六位數遣散費及薪金，供養當年剛新婚的太太和剛出世的兒子，其後三名子女先後出世，擔起六口之家，絕不容易！
要養家「頂住先啦！」
不過，性格樂天的他堅強面對逆境，曾為ViuTV工作，又做過郵局兼職、推廣汽水販賣機和售貨員等，但新冠肺炎疫情下，他最可觀的婚禮司儀外快工作亦全部冚旗！絕境逢生，他不惜放下藝人形象轉行揸巴士，月薪只有一萬多元，雖不足養起全頭家，但他不氣餒說：「我唔食，老婆同班仔女都要食！」記者日前到他位於觀塘的工作地點採訪，見伍偉樂一身樸實打扮，熟練地到巴士司機位準備工作，他受訪時稱感恩仍有人認得他：「乘客會同我打招呼，叫我加油！（月薪夠養家？）頂住先啦！其實揸巴士可以有OT，最多會有三萬蚊月薪！」
愛踢波的伍偉樂原來跟無綫視帝馬國明是波友，馬國明大讚對方冇得頂：「我同佢幾熟，間中會踢波，我覺得佢係一個好老公、好爸爸，踢波時見佢會帶個仔出嚟玩！我心目中用自己能力養妻活兒，已經係一個好男人！」
