魏駿傑帶囡囡去墳場：等佢知爸爸有日會死！
新冠肺炎疫情肆虐，學生復課無期，家長都希望做到停課不停學，絞盡腦汁讓子女學習！單親爸爸魏駿傑化身老師，在家中以一對一方式教女：「我不嬲都係抱住玩八成做兩成嘅心態，但小朋友認真唔到令我好嬲，好在鬧完個女都冇嬲我，我唔只教佢課本上嘅嘢，仲講好多其他人生道理，有同佢煮飯同帶佢去墳場明白生死，等佢知爸爸有日會死！如果9月未開學都繼續教，佢5年級嘅新書我已經睇晒，等佢做晒暑假功課，下星期就開始同佢Go Through一次。」
吳若希教到忟
育有三個小朋友的陳琪則說：「成個月冇出街，好在我啲小朋友有自己世界，會一齊玩冇咁悶。網上教學我同老公係一般般，唔想佢哋對電腦太耐，所以冇辦法情況下先接受。」而懷有第二胎的吳若希，透露大女淼淼就讀的學校將提供網上教學，但在此之前也由自己教：「我都喺網上面買咗啲勞作仔畀小朋友，等佢可以做啲手工藝，又買生字卡同佢讀，有時都會教到忟。」至於兩子之父莫家淦則說：「有幫大仔安排作息時間表，但冇得出街，佢情緒都唔係幾好，好彩佢仲有得Zoom同啲朋友仔上吓戲劇堂，大家傾吓偈。」
