「媒人」陳庭欣想見真面目

陳婉衡與男友王先生在陳庭欣當時有份投資的健身室譜出戀曲，陳庭欣可算是半個媒人婆！對於間接撮合了一段師生戀，她昨日受訪時說：「聽到呢個喜訊梗係戥佢開心啦！我都係睇報道先知，對象係佢學生，我唔知有冇見過呢位男士，可能一齊上過堂都唔定，我都好想知嗰位男士係點。不過，我唔會八卦人哋感情事，都係等佢自己講啦！」