21歲日本女星小倉優香，入行以來憑G Cup巨胸走紅水着界，加上甜美笑容和高挑身形，踩過界做雜誌模特兒又拍電影，百足咁多爪。未知是否工作壓力太大，她大前晚為深夜電台直播開咪時大呻辛苦，更揚言「劈炮唔撈」！
小倉優香在節目尾聲突然表示：「每日過住晚睡早起嘅生活，仲要主持深夜電台節目，真係好辛苦！我喺3、4個月前已經同事務所提出辭演，不過冇人理，所以我依家提出辭演！」同場拍檔對她突然「封咪」大感震驚。其實小倉今年初被爆暗撻人氣格鬥家朝倉未來，外界猜測她或因忙到冇時間拍拖而扭計。