亞姐冠軍梁雪瑤大讚陳煒最吸睛
2020年亞洲小姐競選現正接受報名，2018年亞姐冠軍梁雪瑤早前接受專訪，分享參選心得，她提醒有意報名的女仔首先要鍾意舞台表演：「因為有勇氣喺台上行catwalk着泳衣都唔容易，一定要有自信！」此外，有才藝對選美亦有優勢，心靈健康亦很重要：「記得唔好諗太多嘢，要以平常心去面對！」她又表示當選後，生活改變不少：「會更加注重儀態、衣着同化妝，自信心亦比以前多！」
談到心目中的歷屆之最，她直言「最有氣質亞姐」是萬綺雯：「好鍾意佢嘅單眼皮，配埋長腿，真係氣質非凡！」至於「最吸睛亞姐」必選陳煒：「佢嘅演技好出眾，身材又好！」談到「最有才華」，她笑言：「會揀自己，因為我會畫畫、唱歌、作詞，又試過表演魔術。」至於對未來的展望，她說：「希望能夠有自己嘅歌曲、電影代表作，想更多人記得我。」