陳山聰囝囝滿月碌柚葉沖涼

藝人陳山聰的太太Apple上月為他誕下愛子陳霆軒（Jaco），昨日這位新手爸爸在社交網上載囝囝滿月照，祝兒子：「聰明伶俐，頂天立地。」一家三口穿上親子裝影全家福，非常溫馨。雖然受到疫情影響未能外出慶祝，但無損一家人的心情，正在坐月的Apple精神飽滿，紅粉緋緋。山聰受訪時表示趁囝囝滿月，一家人齊齊影家庭照：「BB件白色衫係袁偉豪好耐之前喺日本買，我喺香港買埋畀自己同老婆，大家齊齊着扮靚影吓相，我都有用碌柚葉同BB沖涼，希望佢身體健康、快高長大，同埋依家準備開始幫佢戒夜奶，希望戒得掂。」

日日煲魚湯

山聰之前經常親自到街市買材料煲湯給太太，又幫BB沖涼，被封廿四孝老公及爸爸，他說：「之前嗰幾日唔使開工，又停咗外景，所以由我去街市。疫情下陪月姐姐留喺屋企負責睇BB同照顧太太，我唔想佢出街，我一個去就算，我有朋友開魚檔，每日新鮮運石崇魚畀我煲湯。」

另外，楊千嬅亦選擇在家中為丈夫丁子高慶祝生日，她悉心將屋企布置得像酒店宴會廳一樣，更準備了超巨型生日backdrop，相當華麗。而藝人譚俊彥今年留在家中過生日，與太太及子女一齊慶祝，太太更送上獎座造型的蛋糕，預祝他早日登上視帝寶座。